महेन्द्रनगर । निजी तथा आवाशीय विद्यालय अर्गनाइजेस(प्याब्सन) कञ्चनपुरले यस वर्ष पुस दोस्रो साता प्याब्सन फेस्टिबल गर्ने भएको छ । प्याब्सन कञ्चनपुरको बुधबार बसेको बैठकले पुस १५ देखि १८ गतेसम्म कबर्ड हलमा फेस्टिबल गर्ने निर्णय गरेको हो ।
प्याब्सनले कोरोना महामारी बाहेक सबै वर्षमा फेस्टिबल आयोजना गर्दै आएको छ । प्याब्सन आवद्ध सबै विद्यालय फेस्टिबलमा सहभागी हुने अपेक्षा गरिएको छ ।
प्याब्सन कञ्चनपुरका अध्यक्ष अमराज भट्टको अध्यक्षतामा बसेको बैठकमा प्याब्सनका केन्द्रीय सल्लाहकार हिरा चन्द लगायतका केन्द्रीय सदस्य, पूर्व केन्द्रीय सदस्य, प्रदेश समितिका पदाधिकारी, जिल्ला समितिका पदाधिकारी सहभागी थिए ।
प्याब्सन कञ्चनपुरका उपाध्यक्ष महादेब प्रसाद भट्टले विद्यार्थीहरुको अन्र्तनिहित प्रतिभा प्रस्फुटन गर्न, विद्यालय र विद्यार्थीबीच आपशी सम्बन्ध बलियो बनाउने, विद्यार्थीहरुको खेलप्रति अभिप्रेरित गर्ने लगायतको लक्ष्य राखेर फेस्टिबल आयोजना हँुदै आएको बताए ।
प्याब्सनले उपाध्यक्ष भट्टको नेतृत्वमा फेस्टिबल मूल आयोजक समिति बनाएको छ । समितिमा तेज बहादुर चन्द, सचिव राकेश बहादुर चन्द र कोषाध्यक्ष केशवराज जोशी, सह कोषाध्यक्ष अक्कल बहादुर रोकाया सहित सबै पालिकाका अध्यक्ष सदस्य छन् । चन्दलाई प्राविधिक समितिको जिम्मेवारी दिइएको छ ।
मूल समितिले बिहीबारदेखि फेस्टिबल आयोजनाको तयारी अघि बढाएको छ । समितिले बिहीबार प्याब्सन आवद्ध सबै विद्यालयलाई सहभागिताका लागि पत्राचार गरेको छ । फेस्टिबलमा एथ्लेटिक्स, भलिबल, ब्याडमिन्टन, टेबल टेनिस, कबड्डी लगायतका खेलहरु हुने छन् ।
