रास्वपाले योजनाबद्ध रुपमा झण्डा जलाएको आरोप लगाउँदै काँग्रेस क्षेत्र नंं. २ ले भन्यो– लोकतान्त्रिक मूल्य–मान्यतामाथिको सिधा आक्रमण
महेन्द्रनगर । शुक्लाफाँटा नगरपालिका –११ कलुवापुरमा कांग्रेसको झण्डा च्यातिएको घटनामा काँग्रेसले आपत्ति जनाएको छ ।
कांग्रेसले राष्ट्रिय स्वतन्त्र पार्टी (रास्वपा) का कार्यकर्ताले योजनाबद्ध रूपमा आफ्नो सम्पर्क कार्यालय नजिकै राखिएको पार्टीको झण्डा च्यात्दै निर्वाचन आचारसंहिता र लोकतन्त्रको खुलेआम धज्जी उडाएको आरोप लगाएको छ ।
कांग्रेस क्षेत्र नं.–२ का सभापति लाल बहादुर सिंहले घटनालाई “लोकतान्त्रिक मूल्य–मान्यतामाथिको सिधा आक्रमण” को संज्ञा दिएका छन्। उनले भने, “जनताको मत जित्न नसक्ने डरले विपक्षी दलका प्रतीकमाथि हमला गर्नु कायरता र पराजित मानसिकताको उदाहरण हो ।”
सिंहले प्रशासनलाई तत्काल दोषी पहिचान गरी कडा कानुनी कारबाही गर्न माग गर्दै यस्ता उच्छृंखल गतिविधि दोहोरिए कडा राजनीतिक प्रतिवाद गर्ने चेतावनी दिएका छन् ।
अराजक गतिबिधी गर्ने, निर्वाचनलाई बिथोल्न खोज्ने जो सुकै भएपनी कारवाहिको दायरा ल्याउन उनले प्रहरी प्रशासन संग आग्रह गरे । यश प्रकारका गरिबिधिका बिषयमा प्रशासन मुखदर्सक बनेर बस्ने नहुने उनले बताए ।
कंचनपुरको प्रतिनिधि सभा निर्वाचन क्षेत्र नं.–२ मा नेपाली कांग्रेसका तर्फ बाट प्रभावशाली नेता एनपी साउद उम्मेदवार रहेका छन ।
कांग्रेस नेता एनपी साउदको जित निस्चित भएपछी बिपक्षी पार्टिका नेता र कार्यकर्ताहरु सलबलाउन थालेको समेत उनले बताए ।
निर्वाचनको माहोल बिगार्ने र अस्थिरता सिर्जना गर्ने उद्देश्यले गरिएको यस प्रकारको गतिविधिले स्थानीय स्तरमा तनाव बढाएको छ ।
निर्वाचन सम्पन्न नहुदै प्रतिस्पर्धामा रहेका बिपक्षी पार्टिका नेता तथा कार्यकर्ताहरु यसरी अराजक गतिबिधी गर्न थालेपछी आम जनताहरु समेत सोच्न बाध्य भएका छन ।
यता, घटनाबारे राष्ट्रिय स्वतन्त्र पार्टीको आधिकारिक धारणा सार्वजनिक हुन बाँकी छ।
