महेन्द्रनगर । सुदूरपश्चिम प्रदेशले १३ औं केन्द्रस्तरीय राष्ट्रपति रनिङ शिल्ड खेलकुद प्रतियोगिता अन्तर्गत एथलेटिक्सको छात्र ४ गुणा ४०० मिटर रिलेमा जुनियर राष्ट्रिय कीर्तिमान बनाएको छ ।
चन्द्र बोहरा, अमित आउजी, कविर कामी र सुक्विर पोखरेलको टोलीले ३ मिनेट ३१.०० सेकेन्ड समयमा निर्धारित दूरी तय गर्दै नयाँ जुनियर राष्ट्रिय कीर्तिमान बनाएका हुन् ।
लुम्बिनी प्रदेशका सिमन पाण्डे, लेखनाथ महरा, बेद ओली र श्रवण केवतले २०७६ सालमा स्थापित गरेको ३ मिनेट ३२.३ सेकेन्डको कीर्तिमान सुदूरपश्चिमले भंग गरेको छ ।
सिद्धनाथ अमर माध्यमिक विद्यालयमा कक्षा ११ मा अध्ययनरत सुकबीर पोखरेल लगायत सुदूरपश्चिमको टीमले काठमाडौमा सम्पन्न १३ औ केन्द्रस्तरीय राष्ट्रपति रनिङ शिल्ड प्रतियोगितामा ४ गुणा ४०० मिटर रिले खेलमा जुनियरतर्फ नयाँ राष्ट्रिय किर्तिमानका साथ प्रथम स्थान प्राप्त र ज्यावलिङ्ग थ्रो मा रजत पदक जितेका छन् ।
