महेन्द्रनगर । पञ्चदेब बहुउद्देश्यीय सहकारी संस्था लि. कञ्चनपुरको १६ औं वार्षिक साधारण सभा सम्पन्न भएको छ । सुदूरपश्चिम प्रदेश सभाका सदस्य बेल बहादुर रानाको प्रमुख आतिथ्यमा साधारण सभा सम्पन्न गरिएको छ ।
सहकारीका अध्यक्ष दिलिप सिह थापाको अध्यक्षतामा गरिएको कार्यक्रममा प्रमुख अतिथि रानाले देशको अर्थतन्त्रमा सहकारीको ठूलो योगदान रहेको उल्लेख गर्दै सहकारीले विद्यमान कानुन अनसुरण गरी सञ्चालन हुनु पर्नेमा जोड दिए ।
कार्यक्रममा सहकारीका अध्यक्ष थापाले वार्षिक प्रतिवेदन प्रस्तुत गरे । सहकारीले २०७९ असार मसान्तसम्म ८ करोड ५८ लाख ५० हजार निक्षेप संकलन गरेको छ । सहकारीले पञ्चदेब सस्तो सहकारी पसल समेत सञ्चालन गर्दैै आएको छ ।
कार्यक्रममा प्रमुख अतिथि प्रदेश सभा सदस्य राना सहित भीमदत्त नगरपालिकाका उप मेयर निलम लेखक जोशी, सहकारीका व्यवस्थापक पदमराज जोशी लगायतले मन्तव्य राखे ।
