महेन्द्रनगर । शुक्लाफाँटा नगरपालिका ७ स्थित वातावरण मध्यवर्ति सामुदायिक वनमा एक महिला मृत अवस्था भेटिएका छन् । स्थानीय ६० वर्षिया नन्दानारु देवी जोशी सोमबार विहान वन क्षेत्रमा मृत भेटिएकी हुन् ।
अहिले जोशीको शव भेटिएको क्षेत्रमा प्रहरी सहित स्थानीय पुगेका छन् । प्रहरीले घट्ना स्थलललाई सिल गरी अनुसन्धान सुरु गरेको छ । इलाका प्रहरी कार्यालय झलारीले अनुसन्धान अघि बढाएको हो ।
स्थानीयका अनुसार ६० वर्षिया जोशी घाँस काट्न आइतबार साँझ वन क्षेत्रमा गएकी हुन् । उनको हत्या गरिएको हुन सक्ने आशंका गरिएको थियो ।
जिल्ला प्रहरी कार्यालय कञ्चनपुरका प्रहरी नायव उपरीक्षक(डिएसपी) प्रकाश डाँगीले जोशीको मृत्यु शंकास्पद देखिएको बताए । अनुसन्धानपछि मृत्युको कारण थाह हुने उनको भनाई छ ।
