महेन्द्रनगर । भीमदत्त नगरपालिका ६ ऐंठपुरमा जुवातास खेलि रहेका ८ जना पक्राउ परेका छन् । जिल्ला प्रहरी कार्यालय कञ्चनपुरको टोलीले शनिबार राति चन्द्रदेव राइस मिलबाट दुई लाख ८ हजार नगद सहित उनीहरुलाई पक्राउ गरेको छ ।
पक्राउ पर्र्नेमा मिलका सञ्चालक सहितका छन् । उनीहरुमा भीमदत्त नगरपालिका ६ का नरेन्द्र बिष्ट पारस भट्ट, खेम राज लेखक, नरेन्द्र जोशी, भीनपा ४ का दामोदर भट्ट, भीनपा १० का दिपक गिरी, भीनपा ८ का सुरत खत्री र र बेदकोट नगरपालिका १० का तिलक बैज छन् ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले पक्राउ गरिएका सबैलाई हिरासतमा राखेर अनुसन्धान थालिएको जानकारी दिएका छन् ।
