महेन्द्रनगर । कुटपिट मुद्दामा फरार रहेका बैतडीका एक जना पक्राउ परेका छन् । कुटपिट मुद्दामा दोषी ठहर भई फरार रहेका मेलौली नगरपालिका–१ बस्ने ४३ वर्षीय जनार्दन नेगी मंगलवार पक्राउ परेका हुन् ।
नेगीलाई बैतडी जिल्ला अदालतको मिति २०८० श्रावण २८ गतेको फैसलाले कुटपिट मुद्दामा ६ महिना कैद सजाय र ५ हजार जरीवाना तोकिएपछि उनी फरार रहेका थिए ।
नेगीलाई जिल्ला प्रहरी कार्यालय बैतडीबाट खटिएको प्रहरी टोलीले मंगलवार दशरथचन्द नगरपालिका–४ गोठलापानी बजारबाट पक्राउ गरेको जनाएको छ ।
