महेन्द्रनगर । भीमदत्त नगरपालिका १० तिल्केनीस्थित होली फेमली इङ्गलिश मिडियम स्कुलको खेल मैदानमा अन्तर माबि स्कुल क्रिकेट चेम्पियनसिप सुरु भएको छ ।
कंचनपुर जिल्ला क्रिकेट संघले आयोजना गरेको प्रतियोगिताको सोमबार औपचारिक कार्यक्रमकाबिच उद्घाटन गरिएको छ ।
सुदूरपश्चिम प्रादेशिक क्रीकेट संघका सल्लाहकार एबम होली फेमली स्कुलका संस्थापक भुपाल सिंहले प्रतियोगिता उद्घाटन गरे ।
कञ्चनपुर जिल्ला क्रिकेट संघका अध्यक्ष बिरेन्द्र बहादुर चन्दको अध्यक्षतामा गरिएको कार्यक्रममा प्याब्सन कञ्चनपुरका अध्यक्ष महादेब प्रसाद भट्ट बिशिष्ट अतिथि थिए ।
होली फेमलीका सहायक प्रीन्सिपल हरिश सिंह ठगुन्नाले कार्यक्रम संचालन गरे । संघका सचिव बिशाल सोनारले कार्यक्रम सञ्चालन गरे ।
प्रतियोगिता उदघाटनपछि होली फेम्ली स्कुल र फ्लोरिडा इन्टरनेशनल बोर्डिङ्ग स्कुलबिच पहिलो खेल भयो । होली फेमलीले फ्लोरिडालाई ३९ रनले हरायो ।
टस जितेर ब्याटिङ्ग गरेको होली फेमलीले १०३ रन बनायो । होली फेमलीका निरज पन्तले ४८ बलमा ५४ रन बनाए । १०४ रनको लक्ष्य लिएत जवाफी व्याटिङ्गमा उत्रिएको फ्लोरिडा ६४ रनमा समेटियो ।
सोमबार दोस्रो खेलमा मर्निङ्ग ग्लोरीले जित हात पारेको छ । मर्निङ्ग ग्लोरीले नव प्रतिभा स्कुललाई १९ रनले हरायो ।
टस जितेर व्याटिङ्ग गरेको मर्निङ्ग ग्लोरीले निर्धारित ओभरमा ११३ रन बनायो । मर्निङ्ग ग्लोरीले ५३ बलमा ६१ रन बनायो ।
११५ रनको लक्ष्य लिएर मैदानमा उत्रिएको नव प्रतिभा १४ दशमलव ५ ओभरमा अल आउट हुदै ९४ रनमा समेटियो ।
नव प्रतिभाका निश्चल चन्द २३ बलला ३० र आयुश ओडले २२ बलला १८ रन बनाए ।
मर्निङ्ग ग्लोरीका गणेश नाथले ३ ओभरमा १३ रन खर्चेर ३ बिकेट लिए ।
उदघाटन खेलको तेस्रो खेलमा नोबेल एकेडेमीले वेष्टर्न पब्लिक एकेडेमीलाई ९ विकेटले हरायो ।
टस जितेर व्याटिङ्ग गरेको वेष्टर्न पब्लिक एकेडेमीले ६१ रन जोड्यो । वेस्टर्नका लागि मनोज नाथले ३६ बलमा २३ रन बनाए ।
६२ रनको लक्ष्य लिएर उत्रिएको नोबेल एकेडेमी ८ दशमलव ५ ओभरमा १ विकेट क्षतिमा ६३ रन बनायो ।
नोबेलका युवराज सिंहले ३५ बलमा ३६ रन बनाए ।
शनिबार होली फेमली स्कुलको आयोजनामा भएको भीमदत्त अन्तर माबि टी २० क्रिेट प्रतियोगिता समापन गरिएको थियो । अन्तर विद्यालय क्रिकेट चेम्पियनमा होली फेमली स्कुलले सहयोग गरेको छ ।
