महेन्द्रनगर । दशैंका अवसरमा शुक्लाफाँटा नगरपालिका ३ पिपलाडीमा शुक्रवार देखि दोश्रो टोल स्तरीय फुटवल प्रतियोगिता शुरु भएको छ । वडा खेलकुद समितिले आयोजना गरेको प्रतियोगिताको वडा अध्यक्ष नरेन्द्रप्रसाद चौधरीले उद्घाटन गरेका छन ।
असोज १४ गते देखि १६ गते सम्म आयोजना हुने प्रतियोगिताको उद्घाटन गर्दै उनले खेलकुदले अनुशासनको पाठ सिकाई युवाहरुलाई असल मार्गमा डोरयाउने बताए ।
उनले वडामा रहेका युवाहरुको खेलकुद प्रतिको आकर्शण बढाउनका लागि सक्दो सहयोग गर्ने प्रतिवद्धता व्यक्त गरे । असोज १४ गते देखि १६ गते सम्म प्रतियोगित आयोजना हुने भएको समितिका अध्यक्ष उमेश चौधरीले बताए । प्रतियोगितामा वडाका ८ ओटा टिमले भाग लिएका छन ।
प्रतियोगितामा प्रथम हुने टिमलाई पुरुस्कार स्वरुप खसि उपहारका रुपमा दिईने भएको छ । द्वितिय र तृतिय हुने टिमलाई नगद पुरुस्कारको व्यवस्था गरिएको छ । उद्घटन कार्यक्रममा वडा सदस्य सहित समाजसेवी, वडघर, सञ्चारकर्मी र सर्वसाधारण सहभागी भएका छन् ।
