महेन्द्रनगर । प्रधानमन्त्री एवं नेपाली कांग्रेसका सभापति शेरबहादुर देउवाले डडेल्धुराको गन्यापधुरा गाउँपालिकास्थित असिग्राम मावि रुवाखोला मतदान केन्द्रमा मतदान गरेका छन् ।
प्रधानमन्त्री देउवा सत्ता गठबन्धनका तर्फबाट डडेल्धुराबाट प्रतिनिधिसभा सदस्य उम्मेदवार रहेका छन् । मतदान गर्नका लागि केही दिन पहिलादेखि नै प्रधानमन्त्री देउवा गृह जिल्लामा रहेका छन् ।
मतदान गरेको तस्बिर सामाजिक सञ्जाल फेसबुकमा राख्दै प्रधानमन्त्री देउवाले सबैलाई मतदान गर्न आह्वान समेत गरेका छन् । उनले लेखेका छन् ‘मैले मतदान गरे, तपाँईहरु पनि सहभागी हुनुहोला ।’
