महेन्द्रनगर । डडेल्धुरास्थित उप क्षेत्रीय अस्पताल भर्ना गरिएकी शिवनथा घट्नाकी घाइते नेहा लुहारको घाँटीको शल्यक्रिया गर्ने तयारी गरिएको छ । उनलाई बुधबार साँझ अस्पताल ल्याइएको थियो । घाँटीमा गहिरो घाउ भएकी उनी खतरामुक्त भएको चिकित्सकहरुले बताएका छन् ।
नेहाका उपचारका लागि आएका स्थानीयका अनुसार उनको शल्यक्रियाका लागि तयारी गरिएको छ । ‘घाँटीमा गहिरो घाउ छ, आज शल्यक्रिया गर्ने तयारी गरिएको छ’ स्थानीय नारायण सार्कीले भने,‘डाक्टरहरुले खतरमुक्त छन् भनि सकेका छन् ।’
मंगलबार घरबाट कपडा सिलाउन भनेर शिविनाथ आएकी पञ्चेश्वर गाउँपालिका ४ की २१ वर्षिया माया लुहारसंगै आएकी उनी घाइते अवस्थामा बालाडाँगामा भेटिएकी थिइन् । माया भने शिवनाथ मन्दिर नजिक घाँटी रेटिएको अवस्थामा भेटिएकी थिइन् । माया नेहाकी फुपु हुन् ।
घाँटीमा चक्कु प्रहार भएपछि भाग्न सफल भएकी उनले मंगलबार रातभरि जङ्गलमा बसेर ज्यान जोगाएकी हुन् । बुधबार विहान स्थानीयले देखेपछि उनलाई उपचारका लागि पाटनस्थित स्वास्थ्य केन्द्र लगेर साँझ डडेल्धुरा ल्याइएको हो ।
