महेन्द्रनगर । कैलालीमा अज्ञात दुई जनाले गोली हानेर घाइते भएका सुनचाँदी व्यवसायी विकास गौतम अस्पातल भर्ना भएका छन् ।
अत्तरितास्थित पूर्वरोडमा अज्ञात दुईजनाले गोली हान्दा ३१ वर्षीय विकास गौतम घाइते भएका हुन्। उनलाई उपचारका लागि अत्तरियाको पदमा अस्पताल लगिएको प्रहरीले बताएको छ । प्रहरीका अनुसार न्यु घोडाघोडी सुनचाँदी पसलका सञ्चालक गौतममाथि गोली प्रहार गरिएको हो ।
मोटरसाइकलमा आएका दुईजनाले सुविधा होटलअगाडि गौतमलाई दुई गोली प्रहार गरेको इलाका प्रहरी कार्यालय मालाखेतीका डिएसपी रविन्द्र पाण्डेले बताए ।
गोली हान्ने कसैको पनि पहिचान खुलेको छैन । गोली प्रहारबारे अनुसन्धान शुरु भएको जानकारी प्रहरीले दिएको छ।
