महेन्द्रनगर । शुक्लाफाँटा नगरपालिका ७ मा दुर्घटना न्यूनिकरणका लागि सडक सरसफाईको कार्य गरिएको छ । कसरौल जुडा सडकमा जनप्रतिनिध, शस्त्र प्रहरी, राजनीतिक दलका प्रतिनिधि र सर्वसाधारणको सहभागीतामा सरसफाई कार्यक्रम गरिएको हो ।
सरसफाईका क्रममा सडक छेउ छाउमा रहेका झाडी बुटयान, रुखका हाँगा, ढुङ्गा गिट्टी हटाउने कार्य गरिएको वडा सदस्य केशव सिंह ठगुन्नाले बताए ।
झण्डै सडकको तीन किलोमिटर क्षेत्र सम्म सरसफाईको कार्य गरिएको छ । सडक छेउमै रहेका झाडी, बुटयान र सर्वसाधारणले ढुङ्गा गिट्टी बालुवा राख्दा सडक दुर्घटना हुने संभावना बढेको थियो वडा सदस्य ठगुन्नाले भने, सडक क्षेत्रमा सरसफाई गरिए पछि सडक दुर्घटनाको संभावना हटेर गएको छ ।
सडक सफा देखिएको छ । जनप्रतिनिधिको अगुवाईमा सडकमा सरसफाई गरिन थालेपछि स्वस्फुर्त रुपमा सर्वसाधरणले घर अगाडीको सडकका झाडी बुटयान हटाएका थिए । दुई घण्टा सम्म सडकमा सरसफाईको कार्यक्रम सञ्चालन गरिएको थियो ।
