महेन्द्रनगर । बेलौरीस्थित वात्सल्य विद्या निकेतनले बिहीबार नेपाली क्रिकेटका राष्ट्रिय खेलाडीलाई सम्मान गरेको छ । कञ्चनपुर क्रिकेट संघका अध्यक्ष तथा राष्ट्रिय क्रिकेट परिषद (क्यान) का सदस्य बिरेन्द्र बहादुर चन्दको प्रमुख आतिथ्यता रहेकोे कार्यक्रममा सम्मान गरिएको छ ।
कार्यक्रममा बुद्धिजीवी ,स्थानीय सञ्चारकर्मी ,बेलौरी उद्योग बाणिज्य संघ का प्रतिनिधि लगायत शिक्षक एवम् विद्यार्थी सहभागी भएका छन् । सम्मानित हुनेमा सुदूरपश्चिमबाट नेपाली क्रिकेटलाई विश्वसामु चिनाउनु हुने राष्ट्रिय खेलाडी दिपेन्द्र सिंह ऐरी र भीम सार्की रहेका छन् ।
३ जना खेलाडीलाई विद्यालयको तर्फबाट मायाको चिनो सहित जनही ४० हजार रुपैयाँ दरले र सुदूरपश्चिमकै राष्ट्रिय खेलाडी सन्दिप जोरालाई नगदसहित सम्मान स्वरुप रु २० हजार नगद प्रदान गरिएको वात्सल्य विद्या निकेतन प्रिन्सिपल लक्ष्मण दियालले जानकारी दिएका छन् ।
