महेन्द्रनगर । अन्तर्राष्ट्रिय ज्येष्ठ नागरिक दिवसमा भीमदत्त नगरपालिका १ का वडा अध्यक्ष आषेफ कुँवर (भुन्टु ) र वडा नं. १३ का वडा अध्यक्ष रामचन्द्र बोहरा (झक्कास) सम्मानित भएका छन् । ज्येष्ठ नागरिक समाज कञ्चनपुरले उनीहरुलाई सम्मानित गरेको छ ।
समाजका अध्यक्ष धनबहादुर खडायतको अध्यक्षतामा भएको कार्यक्रममा जिल्ला समन्वय समिति कञ्चनपुरका अध्यक्ष दुर्गा बोहराले दुवै वडाध्यक्षलाई सम्मान गरेका छन् । भीमदत्त नगरपालिकाको सभाकक्षमा कार्यक्रम गरिएको छ ।
वडाध्यक्ष कुँवरले आफ्नो पारिश्रमिक ज्येष्ठ नागरिकको हकहितमा खर्च गर्दै आएको र वडाध्यक्ष बोहराले नमूना बस्ती लगायत सामाजिक कार्य गर्दै आएकाले सम्मान गरिएको आयोजकले जनाएको छ ।
