महेन्द्रनगर । भीमदत्त नगरपालिका ३ तिलकपुरस्थित बैजनाथ माध्यमिक विद्यालयका विद्यार्थी अमर तिरुवाको उपचार सहयोगका लागि विद्यार्थी र शिक्षकले सहयोग गरेका छन् । तिरुवाको केही दिन अघि विद्यालयमा खेल खेल्ने क्रममा हात भाँचिएको थियो ।
विद्यालयका प्रधानाध्यापक मदन बहादुर विष्टले तिरुवाको उपचारका लागि विद्यालययका सबै विद्यार्थी शिक्षकले सहयोग गरेको बताए । उनका अनुसार विद्यार्थी र शिक्षकले ५० रुपैँयादेखि ६ सय सयसम्म सहयोग गरका छन् । विद्यालयले उपचारका लागि छुट्टै सहयोग गरेको छ ।
विद्यार्थी शिक्षकले १० हजार ३ सय ६० र विद्यालयले एक हजार ८ सय सहयोग गरेको छ । विद्यालयका प्रधानाध्यापक विष्टले सहयोग रकम तिरुवाकी आमालाई हस्तान्तरण गरेका छन् ।
