Sarsoti

एडीबी ऋण सहयोगको भवनमा तमासा

lotus institute

महेन्द्रनगर । कैलालीको गोदावरी नगरपालिकाको भवन दोस्रो पटक उद्घाटन गरिएको छ । यसअघि भवन उद्घाटन गरिएको करिब २ वर्ष पछि बिहीबार दोस्रो पटक भवनको उद्घाटन गरिएको हो । यसअघि विधि, प्रक्रिया नपु–याएर भवनको उद्घाटन गरिएको भन्दै भवन दोस्रोपटक उद्घाटन गरिएको भनिएपनि केही दृष्य भने दुवै उद्घाटनमा दोहोरिएका छन ।

निवर्तमान मेयर हरी सिह साउदले सम्झौता अनुसार भवनको काम पुरा नहुँदै उद्घाटन गर्दा र हाल निर्माण सम्पन्न भएपछि भवन उद्घाटन गर्दा गरिएको बल प्रयोगका दृष्य समान देखिएका हुन । २०७८ चैत्र १४ गते चुनावको मुखमा निवर्तमान मेयर साउदले भवन उद्घाटन गर्दा ६ राजनीतिक दलले चर्को विरोध गरेका थिए ।

morning glory

विरोधका बीच भवन प्राङ्गणमा ठूलो संख्यामा नेपाल प्रहरी, सशस्त्र प्रहरी परिचालन गरेरै उद्घाटन गरियो । उद्घाटनका क्रममा कालो झण्डा देखाउने एक जना विद्यार्थी नेता पक्राउ पनि परे । सीमित व्यक्तिलाई मात्रै उद्घाटन स्थलमा प्रवेश दिइयो । ६ राजनीतिक दलले विज्ञप्ति निकालेर पुनः भवनको उद्घाटन गर्ने घोषणा गरे ।

हाल भवनको निर्माण कार्य सम्पन्न भएर सबै प्रक्रिया पुगेको भएपनि विरोध रहित उद्घाटन भने हुन सकेन । नेकपा एमालेले दोस्रो पटक उद्घाटन गर्न नहुने भन्दै विरोध जनाएर उद्घाटन स्थलमै नारावाजी गरे ।

उद्घाटनका लागि तोकिएको समय अघि नै भवनको गेटमा पुगेका एमालेका नेता, कार्यकर्तालाई ठूलो संख्यामा परिचालन गरिएको जनपथ प्रहरी, सशस्त्र प्रहरीले गेटमा रोके । विरोधकै बीच निर्धारित समय भन्दा २ घण्टा ढिलो गरि भवनको उद्घाटन गरियो ।

Mahendranagar

भवन उद्घाटनको क्रममा एमालेबाट निर्वाचित नगरका जनप्रतिनिधि भवन परिसरमै विरोध गर्दै नारा जुलुस गरिरहेका थिए भने अन्य एमालेका नेता कार्यकर्ता गेट बाहिर नारा जुलुस लगाउँदै थिए । गेटमा ठूलो संख्यामा परिचालन गरिएको प्रहरीले आयोजकलाई समेत भित्र प्रवेश गर्न हम्मे हम्मे प¥यो ।

यस अघि भवनको उद्घाटन गर्दा तत्कालीन मेयर साउदले भवनको प्रवेशद्धारको दाहिनेपट्टी आफूले उद्घाटन गरेको शिलालेख लगाएका थिए भने देब्रे पट्टी २०७४ सालमा निर्वाचित जनप्रतिनिधिको नाम राखिएको थियो ।

हाल भवनको पुनः उद्घाटनका क्रममा तत्कालीन मेयर साउदले भवनको दाहिने पट्टी राखेको उद्घाटनको शिलालेख हटाएर २०७९ मा निर्वाचन जितेका जनप्रतिनिधिको नाम राखिएको छ भने देब्रे पट्टी तत्कालीन मेयर साउदले भवन शिलान्यास गरेको शिलालेख राखिएको छ । वर्तमान मेयर भट्टले भवनको अगाडि नै शिलालेख राखेर बिहीबार भवनको उद्घाटन गरेका छन ।

यसरी पालिका बासिको सहजताका लागि दाताले निर्माण गरिदिएको भवनमा स्थानीय राजनीतिक दलहरुले साधेको प्रतिसोधले नगरकै बेइज्जत भएको छ । दाताको सहयोगमा भवन निर्माण हुँदा उत्साहित हुनुपर्ने नगरवासी विभाजित भएर प्रहरी परिचालन गरेर उद्घाटन गर्नुपर्ने अवस्था आएको छ ।

एसियाली विकास बैंक (एडीबी) को ऋण सहयोगमा क्षेत्रीय सहरी विकास कार्यालय धनगढीले निर्माण गरिदिएको भवनको यस प्रकारले उद्घाटन हुनु आफैमा लज्जाको विषय हो ।

साभार : अत्तरिया अनलाइन

saark school
सम्बन्धित
Loading...