महेन्द्रनगर । बेदकोट नगरपालिकामा हाइसको ठक्करबाट एक महिलाको मृत्यु भएको छ । बेदकोट नगरपालिका–१० शिशैया हरपालकी ४० वर्षीया मञ्जु रावल कठायतको बिहीबार ठक्करबाट ज्यान गएको हो ।
४२ वर्षीय दिनेश बहादुर कठायतले आफ्नै घरको आँगनमा बागमती प्रदेश को ०१०२९ च २८०६ नम्बरको हाईस चलाउने क्रममा कठायतलाई ठक्कर दिएको थियो । हाइसको ठक्करबाट घाइते मन्जुको उपचारको क्रममा मायामेट्रो अस्पताल धनगढीमा मृत्यु भएको छ ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले दुर्घटनाका सम्बन्धमा आवश्यक अनुसन्धान सुरु गरिएको बताए ।
