महेन्द्रनगर। प्रहरीले विद्युतीय अपराधमा हिरासतमा राखेर अनुसन्धान गरि रहेका पत्रकार पुस्कर भट्टका घर परिवारसित सोधपुछ गरेको छ ।
जिल्ला प्रहरी कार्यालयको प्रहरी टोलीले सोमबार भीमदत्त नगरपालिका ४ सब्जीमण्डीस्थित भट्टको घरमा गएर सोधपुछ गरेको हो । प्रहरीले विद्युतीय विद्युतीय कारोबार ऐन अन्र्तगत मुद्दा दर्ता गरी शनिबार गड्डाचौकीबाट पत्रकार भट्टलाई पत्रकार भट्टलाई पक्राउ गरेको थियो ।
सोमबार साँझ घर गएको प्रहरी टोलीले पत्रकार भट्टकी धर्मपत्नि ममता भट्टसित उनको कार्यालय, उनले प्रयोग गर्दै आएको कम्प्यटुर लगायतका विद्युतीय उपकरण सम्बन्धि सोधपुछ गरेको छ । उनीसित सोधपुछ गरी प्रहरी टोली फर्किएको भट्टको आफन्तले बताए ।
जिल्ला प्रहरी कार्यालयले आइतबार भट्टलाई अदालतमा पेश गरी अनुसन्धानका लागि ७ दिनको अनुमति लिएको छ । जिल्ला प्रहरी कार्यालयले प्रहरी निरीक्षक ईश्वर बहादुर थापालाई अनुसन्धानको जिम्मा दिएको छ ।
जिल्ला प्रहरी कार्यालयमा ७५(३५) को नामले दर्ता विद्युतीय कारोबार सम्बन्धि ऐनमा पत्रकार भट्ट र अर्का पत्रकार ऐश्वर्या कुँबरलाई पक्राउ गरिएको हो । उनीहरु दुबैलाई शनिबार पक्राउ गरी हिरासतमा राखेर अनुसन्धान भई भई रहेको छ ।
जिल्ला प्रहरी कार्यालय कञ्चनपुरका प्रहरी निरीक्षक हर्ष बहादुर चन्दले अनुसन्धानको क्रममा प्रहरीले भट्टको घरमा गएर मुद्दासंग सम्बन्धित विषयमा सोधपुछ गरेको बताए ।
‘मुद्दाको अनुसन्धान गर्न सोधपुछ, खानतासी गर्न पर्ने हुन्छ, त्यसका लागि अनुसन्धान टोलीले सोधपुछ गरेको हो’ उनले भने ।
