महेन्द्रनगर । एमालेका जन वर्गिय संगठनहरुले पार्टीको पूर्व स्वीकृति नलिई आफ्ना कार्यक्रमका लागि सहयोग संकलन गर्न नपाउने भएका छन् ।
एमाले कञ्चनपुरका नवौ अधिवेशनबाट जन वर्गिय संगठनहरुले आफ्ना कार्यक्रमका लागि पार्टीबाट स्वीकृति लिएर आर्थिक रसिद प्रमाणीकरण गरी बैंक तथा सहकारी खाताबाट अनिवार्य रुपमा कारोबरा गर्ने योजना पारित भएको छ ।
एमालेका वित्त तथा आर्थिक विभाग प्रमुख लक्ष्मी बुढाले सत्रमा पेश गरेको आर्थिक प्रतिवेदनको आगामी योजनामा जन वर्गिय संगठनको सहयोग संकलन लगायतका पाँच बुुँदा आगामी योजनामा समावेश गरिएका छन् । बन्द सत्रबाट बुढाको आर्थिक प्रतिवेदन पारित भएको छ ।
आर्थिक प्रतिवेदनमा जन वर्गिय संगठनहरुले गर्ने कार्यक्रमका लागि आर्थिक सहयोग अभियानलाई पारदर्शी र व्यवस्थित बनाउन पार्टीको पूूर्व स्वीकृति लिनु पर्ने उल्लेख गरिएको छ । कञ्चनपुरमा एमालेका १९ जन वर्गिय संगठन छन् ।
