एमाले अध्यक्ष ओली फेरि पुगे महेन्द्रनगर, केही समयपछि उद्योग बाणिज्य संघ गएर पदाधिकारी र सदस्यलाई शपथ खुवाउने
महेन्द्रनगर । एमाले अध्यक्ष केपी शर्मा ओली जोगबुडाबाट महेन्द्रनगर पुगेका छन् । एमाले डडेल्धुराको जिल्ला अधिवेशन उद्घानटन गरी अध्यक्ष ओली महाकाली कोरिडोर भएर महेन्द्रनगर आएका हुन् ।
एमाले नेताहरुका अनुसार अध्यक्ष ओलीले केही समय आराम गरी नवौ अधिवेशनमा निर्विरोध पदाधिकारी र सदस्यहरुको शपथ ग्रहण समारोहमा सहभागी हुन लागेका छन् ।
कञ्चनपुर उद्योग बाणिज्य संघको सभा कक्षमा कार्यक्रम राखिएको छ । नवौ अधिवेशनमा अध्यक्ष मण्डलले आइतबार राति पदाधिकारी सहित अधिकाँश सदस्यहरुमा सहमति जुटाएको थियो । नेताहरुका अनुसार केही क्लस्टर बाहेक अधिकाँश सदस्यहरुमा सहमति भएको छ ।
अध्यक्ष ओलीले बिहीबार अधिवेशन उद्घाटन गरेका थिए । अध्यक्ष ओलीले उद्घाटनमा सर्वसम्मत अधिवेशन बनाउन निर्देशन दिएका थिए ।
