महेन्द्रनगर । सिद्धनाथ अमर माध्यमकि विद्यालय गड्डाचौकीका सुकबीर पोखेरेलले १४ औं केन्द्र स्तरीय राष्ट्रपति रनिङ शिल्ड प्रतियोगितामा स्वर्ण पदक जितेका छन् ।
विद्यालयका कक्षा १२ का विद्यार्थी पोखरेलले ज्याभलिन थ्रो र चार सय गुणा चार सय मिटर रिले दौडमा स्वर्ण पदक जितेका हुन् । उनी सुदूरपश्चिम प्रदेशको टीमबाट प्रतियोगितामा सहभागी भएका हुन् ।
राष्ट्रिय खेलकूद परिषद्ले प्रतियोगिता आयोजना गरेको हो । सिद्धनाथ अमर माविका खेल शिक्षक नितेश रावलल पोखरेलले स्वर्ण पदक जितेर सुदूरपश्चिम प्रदेशलाई एथ्लेटिक्स विधाको शिल्ड तथा रनिङ्ग शिल्ड जिताउन महत्वपूर्ण योगदान दिएको बताए ।
