महेन्द्रनगर । भीमदत्त नगरपालिका ६ ऐठपुरस्थित शान्ति निकेतन माध्यमिक विद्यालयका सुभास पन्तले एसईईमा ३ दशमलव ७८ जीपीए ल्याएका छन् । सामुदायिक विद्यालयमा सम्भवतः शान्ति निकेतनका पन्तले सबैभन्दा बढी जीपीएका ल्याएका हुन् ।
शान्ति निकेतनबाट एसईईमा ५५ जना सहभागी भएका थिए । उनीहरुध्ये २८ जना उत्तीर्ण भएको विद्यालयका प्रधानाध्यापक पुष्पराज ओझाले बताए । उनले विद्यालयको एसईई नतिजा ५१ प्रतिशत भएको भएको जानकारी दिए ।
सबैभन्दा बढी जीपीए ल्याउने पन्त पठनपाठनमा उत्कृष्ठ स्थान हासिल गर्दै आएको प्रधानाध्यापक ओझाले जानकारी दिए ।
प्रधानाध्यापक ओझाले विद्यालयका उत्तीर्ण सबै विद्यार्थीलाई बधाई सहित विद्यलय व्यवस्थापन समिति, शिक्षक अभिभावक संघ, अभिभावक सबैलाई धन्यवाद दिएका छन् ।
