महेन्द्रनगर । कृष्णपुर नगरपालिका १ बण्ड मोतिपुरमा घरभित्र पसेको बाढीमा परी एक बालकको मृत्यु भएको छ । बण्डस्थित जमुना महराको घरमा बस्दै आएका सागर धानुकका ७ वर्षिया छोरा सोलु धानुकको खटियाबाट लडेर घरभित्र पसेको बाढीमा परी मृत्यु भएको हो ।
आइतबार राति उनी खटियाबाट भुईमा खसेका थिए । भुईमा जमेको बाढीको पानीमा डुबेर मृत्यु भएको कृष्णपुर नगरपालिकाका सूचना अधिकारी प्रेम बोगटीले जानकारी दिए ।
