ghar sansar

भुजेलामा चितुवा नभेटिएपछि हात्ती र प्राविधिक फिर्ता

khasi

महेन्द्रनगर । कञ्चनपुरमा चितुवा नभेटिएपछि हात्ती र प्राविधिक फिर्ता भएका छन् । भीमदत्त नगरपालिका–११ भुजेलामा देखिएको चितुवा तीन दिनसम्म फेला नपरेपछि हात्ती र प्राविधिकहरु फिर्ता भएका हुन् ।

dirghayi clinic

‘सुरुको दिन चितुवा देखियो, त्यसपछि दोस्रो दिन देखिएन,’ डिभिजन वन कार्यालय कञ्चनपुरका प्रमुख भीम प्रसाद कँडेलले भने, ‘अब चितुवा आफ्नै वासस्थानमा फर्केको अनुमान गरेका छौं।’ त्यहि भएर अब हात्ती र प्राविधिक सबै फिर्ता भएका छन् ।

शनिवार बिहान चितुवा देखिएपछि नियन्त्रणमा लिनका लागि तीनवटा खोर राखिएका थिए। खोरभित्र बाख्राका पाठा पनि राखिएका थिए ।

तर चितुवा खोरभित्र पसेन । सुरुको दिनमा शुक्लाफाँटा राष्ट्रिय निकुञ्जबाट २ हात्ती परिचालन गरिएका थिए । दोस्रो दिन २ हात्ती थपेर ४ वटा परिचालन गरिएको थियो। तेस्रो दिनसम्म पनि खोजी गर्दा नभेटिएपछि सबै टोली फिर्ता भएको छ।

Himal dental
सम्बन्धित
Loading...