महेन्द्रनगर । बेलडाँडी गाउँ खेलकुद समितिको अध्यक्षमा डम्मर बहादुर सुनारलाई मनोनीत गरिएको छ । आइतबार कञ्चनपुर जिल्ला खेलकुद समितिले सुनारलाई चार वर्ष अवधिका लागि अध्यक्ष पदमा मनोनीत गरेको हो ।
सुदूरपश्चिम प्रदेश खेलकुद नियमावली २०७७ को परिच्छेद ३ (७ ग) मा व्यवस्था भए अनुसार कञ्चनपुर जिल्ला खेलकुद समितिको आज भदौ ९ गतेको निर्णय अनुसार बेलडाँडी गाउँपालिकाको गाउँ खेलकुद समितिको अध्यक्ष पदमा सुनारलाई मनोनीत गरिएको कञ्चनपुर जिल्ला खेलकुद समितिका अध्यक्ष कुवेर खड्काले बताए ।
अध्यक्षमा मनोनीत भए पश्चात् सुनारलाई बेलडाँडी गाउँपालिकाका अध्यक्ष हरिशचन्द्र रानाले आफ्नै कार्यकक्षमा स्वागत गरी बधाई दिएका छन् ।
