श्रीलंकामा उत्कृष्ठ खेल प्रदर्शन गरेको भन्दै २० वर्ष मुनिको भलिबलका टीम क्याप्टेन अर्जुन नेपालीलाई सम्मान
महेन्द्रनगर । भीमदत्त नगरपालिका वडा नं. १७ ले २० वर्षमुनिको नेपाली राष्ट्रिय भलिबल टीमका क्याप्टेन अर्जुन नेपालीलाई बुधबार वडा कार्यालयमा सम्मान गरेको छ । वडा कार्यालयमा कार्यक्रम गरी नेपालीलाई नगद सहित सम्मान गरिएको छ ।
श्रीलंकामा हालै सम्पन्न २० वर्षमुनिको काभा पुरुषतर्फको अन्तराष्ट्रिय भलिबल प्रतियोगिता २०२४ मा उत्कृष्ट प्रदर्शन गर्दै नेपालले दोस्रो स्थान हासिल गरेको थियो ।
अन्र्तराष्ट्रिय स्तरमा उत्कष्ठ खेल प्रदर्शन गरी देशको प्रतिष्ठा बढाएको भन्दै उनलाई सम्मान गरिएको छ । उनी भीनपा १७ का वासिन्दा हुन् । वडा कार्यालयले उनलाई १० हजार नगद र सम्मान पत्र प्रदान गरेको छ ।
वडा अध्यक्ष पदम सिह बुढाले नगद र सम्मान पत्र प्रदान गरे । ‘यो हाम्रो वडाको मात्रै देशको लागि गौरब हो, यसले देशलाई अन्तर्राष्ट्रिय स्तरमा चिनाएको छ’ वडा अध्यक्ष बुढाले भने ।
कार्यक्रममा वडा अध्यक्ष बुढा सहित वडा सदस्य, कर्मचारी र भलिबल खेलाडी नेपालीका परिवार र आफन्त सहभागी भएका छन् ।
