दोधारा चाँदनी ८ धामी टोलमा भारतीय पक्षले नेपाली जग्गा कब्जा विवाद समाधानका लागि मेयर लिम्बुले गरे छलफल
महेन्द्रनगर । दोधारा चाँदनी नगरपालिकाका मेयर किशोर कुमार लिम्बुले भारतीय पक्षले नेपाली जग्गा खनजोत गरेपछि उत्पन्न विवाद समाधानका लागि प्रशासन तथा सुरक्षा अधिकारीसित छलफल गरेका छन् ।
भारतीय पक्षले दोधारा चाँदनी नगरपालिका– ८ धामी टोलमा नेपाली जग्गा खनजोत गरी कब्जा गर्ने प्रयास गरेपछि दुई पक्षबीच विवाद भएको थियो । सोमबार मेयर लिम्बु सहित दुबै देशका सुरक्षा अधिकारी विवादित क्षेत्रमा पुगेका थिए ।
मेयर लिम्बुले मंगलबार विवाद समाधानका लागि कञ्चनपुर प्रशासन कार्यालयका सहायक प्रमुख जिल्ला अधिकारी पर्शुराम पोख्रेल, सशस्त्र प्रहरीका एसपी खगेन्द्र बहादुर लगायतसित छलपल गरे ।
छलफलमा दोधारा चाँदनी नगरपालिकाका नगर प्रवक्ता हरि सिह धनाडी, वडा अध्यक्ष ज्ञानेन्द्र बहेक क्षेत्री लगायत सहभागी भएका छन् ।
