महेन्द्रनगर । बेदकोट नगरपालिका नगर प्रवक्ता एबम् ५ नम्बर वडा अध्यक्ष चित्रदेब भट्टलाई पुत्र शोक परेको छ ।
भट्टका कान्छा छोरा सुवास भट्ट मंगलबार भीमदत्त नगरपालिका ६ ऐठपुरस्थित घरमा मृत भेटिएका हुन् । मृतक भट्टको शवलाई जाँचका लागि महाकाली प्रादेशिक अस्पतालमा ल्याइएको छ ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सागर बोहराले कोठाभित्र खाटमा भट्ट मृत अवस्थामा भेटिएको बताए ।
यसैबीच बेदकोट नगरपालिका मेयर बोहराले नगर प्रवक्ता छोराको अमासमयिक निधनले आफूले स्तब्ध भएको उल्लेख गर्दै श्रद्धाञ्जली अर्पण गर्दै परिवारमा समवेदना दिएका छन् ।
