महेन्द्रनगर । जिल्ला समन्वय समिति कञ्चनपुरले दशौं जिल्ला सभामा बेदकोट नगरपालिकालाई सम्मान गरेको छ ।
स्थानीय तह क्षमता स्वमूल्याङ्कन तथा स्थानीय तह वित्तीय जोखिम मुल्यांकन गुणस्तर परीक्षण भई कञ्चनपुरका सबै पालिकामध्ये बेदकोटले उत्कृष्ट अंक हासिल गरी जिल्लामा प्रथम स्थान प्राप्त गरेकोमा जिल्ला प्रथम भएकोले सम्मान पत्रका साथ अभिनन्दन गरिएको छ ।
जिल्ला समन्वय प्रमुख दुर्गादत्त बोहराले मेयर भोजराज बोहरा र उप मेयर तुलसी जोशीलाई सम्मान पत्र प्रदान गरे । बेदकोट नगरपालिका यस पटक बेरुजु फच्र्याेटका हिसाबले पनि जिल्लाको सबैभन्दा कम बेरुजु (०.४८%) आएको थियो ।
