महेन्द्रनगर । महेन्द्रनगर जेसीजको ३८ औं अधिवेशनमा सहमतिका प्रयास सफल नभएपछि आइतबार निर्वाचन हुने भएको छ ।
शुक्रबारदेखि सुरु अधिवेशनमा अध्यक्ष र वरिष्ठ उपाध्यक्षमा सहमति जुटाउन सघन छलफल गरिएको थियो । सहमति हुन नसकेपछि ती दुई पदमा निर्वाचन गरी टुङ्गो लगाइने तयारी गरिएको छ ।
अध्यक्षमा महासचिव लक्ष्मण दत्त पन्त र अक्षय पाण्डेय उम्मेदवार छन् । वरिष्ठ उपाध्यक्षमा नवराज जोशी र गोबिन्द भट्ट उम्मेदवार हुने भएका छन् । उपाध्यक्षमा मनोज भट्टले उम्मेदवारी फिर्ता लिएका छन् ।
निर्वाचन समितिका अनुसार मनोज भट्टले शनिबार उम्मेदवारी फिर्ता लिएपछि वरिष्ठ उपाध्यक्षमा दुई उम्मेदवार प्रतिस्पर्धी हुन पुगेका छन् ।
यस अघि ३७ औं कार्य समिति सर्वसम्मत चयन गरिएको थियो ।
