महेन्द्रनगर । बेलौरी नगरपालिका–८ स्थित कलकत्ता बजार क्षेत्रबाट लागूऔषधसहित एक युवक पक्राउ परेका छन् ।
मंगलबार साँझ प्रहरी चौकी पचुईबाट खटिएको प्रहरी टोलीले शंकाको आधारमा चेकजाँच गर्ने क्रममा एक ग्राम ३३० मिलिग्राम खैरो हेरोइनजस्तो देखिने धुलो पदार्थ बरामद गरेको हो ।
पक्राउ पर्नेमा कृष्णपुर नगरपालिका–३ मा देखदभुली बस्दै आएका २० वर्षीय दिपेश राना रहेका छन् ।
प्रहरीले बरामद गरिएको पदार्थसहित उनलाई नियन्त्रणमा लिई आवश्यक कानुनी प्रक्रिया अघि बढाएको जनाएको छ। घटनाबारे थप अनुसन्धान भइरहेको प्रहरीले जनाएको छ ।
