दोधारा चाँदनीमा रमेश लेखक सहभागी कार्यक्रमलाई काँग्रेसीकरण गरिएको भन्दै असन्तुष्टि, मेयरलाई समेत सहभागी गराएनन्
महेन्द्रनगर । दोधारा चाँदनी नगरपालिका १० स्थित नगर स्वास्थ केन्द्र उद्घाटन कार्यक्रममा मेयर किशोर कुमार लिम्बु अनुपस्थित भएका छन् । काँग्रेस संसदीय दलका प्रमुख सचेतक रमेश लेखक प्रमुख अतिथि भएको कार्यक्रममा मेयर लिम्बु बाहेक काँग्रेसका सबै जनप्रतिनिधि भने सहभागी भएका छन् ।
दोधारा चाँदनी नगरपालिकाका उप मेयर गंगा जोशी वडा नं. १० की हुन् । उनी आफैं सहभागी भए पनि मेयर कार्यक्रम सहभागी भएका छैनन् । नगरपालिका मातहतको नगर स्वास्थ्य केन्द्र उद्घाटनमा मेयर सहभागी भएपछि कार्यक्रमलाई काँग्रेसीकरण गरिएको भन्दै स्थानीय स्तरमा असन्तुष्टि व्यक्त हुन थालेको छ ।
कार्यक्रममा लेखक सहित सुदूरपश्चिम प्रदेश सभा सदस्य बेल बहादुर राना, जिल्ला समन्वय समितिका प्रमुख दुर्गादत्त बोहरा, उप मेयर जोशी, वडा अध्यक्ष चन्द्र बहादुर सिह लगयतका सहभागी भएका छन् । उनीहरु सबै काँग्रेसका जनप्रतिनिधि हुन् ।
स्थानीय तह निर्वाचनमा दोधारा चाँदनी नगरपालिकाको वडा नं. १० मात्रै काँग्रेसले जितेको थियो ।
उप मेयर जोशीको सचिवालयले कार्यक्रममा सहभागी अतिथि सहित नगर स्वास्थ्य केन्द्र बनाउने निर्माण व्यवसायी सहित सबैलाई धन्यवाद दिएको छ ।
