महेन्द्रनगर । एभरेष्ट बचत तथा ऋण सहकारी संस्था लि.भीमदत्त १८ कञ्चनपुरको १६ औं वार्षिक साधारण सभा सम्पन्न भएको छ । संस्थाका अध्यक्ष सुरेन्द्र सिह साउदको अध्यक्षतामा सम्पन्न भएको साधारण सभामा भीदत्तनगरपालिकाका सहकारी इकाई प्रमुख विमला भाट प्रमुख अतिथि थिइन् ।
साधारण सभामा आ.व.२०८०÷८१ को २७ करोड ८१ लाख ८२ हजार ६सय ८४ रुपैयाको आय ब्यय प्रस्तुत गरियो । यसै गरी आ.व.२०८१।८२ को २८करोड ३७ लाख ५१ हजार रुपैया बराबरको अनुमानित आयब्यय प्रस्तुत गरिएको छ ।
शेयर पुजी २ करोड ५३ लाख ८७ हजार ६ सय रुपैया रहेको सहकारी संस्थामा आ.व. २०८०÷८१ मा कर्जा लगानीतर्फ ५ करोड ३२ लाख ०६ हजार २ सय ६९ रुपैया तथा बचत संकलन तर्फ ५ करोड १२ लाख १९ हजार ८ सय १४ रहेको छ ।
कार्यक्रममा सहकारीका ब्यवस्थापक मदन सिह धामीले संस्थाले आफना सदस्यलाई कर्जा लगानीमा सुरक्षा अपनाउँदै कर्जा बीमा अनिवार्य गरेको र भीमदत्त नगरपालिकाका सबै वडाहरु र बेदकोट नगरपालिकाका केही वडाहरुमा आफनो कार्यक्षेत्र विस्तार गरी सदस्यहरुलाई बचत तथा कर्जाका माध्यमबाट जिविकोपार्जनमा सहयोग पु¥याइरहेको बताए ।
साधारण सभामा संस्थाका लेखा सुपरिवेक्षण समितिका संयोजक विष्णु प्रसाद बोकटीले लेखा सुपरिवेक्षण समितिको प्रतिवेदन प्रस्तुत गरे । यसैगरी अध्यक्ष साउदले संस्थाले समय समयमा जेष्ठ नागरिक असाय बालकालिकाहरुलाई विभिन्न रुपमा सहयोग गरि सामाजिक कार्य समेत गर्दै आइरहेको बताए ।
कार्यक्रमका भाटले सहकारीले गरेको प्रगतिको प्रशंसा गर्दै अझै मध्यम आय भएकाहरुको जिवनस्तरमा सुधार ल्याउनु पर्नेमा जोड दिइन् । स–सानो पूँजीलाई संकलन गरी सदस्यहरुलाई समस्या पर्दा सहकारीले गर्ने सहयोग अतुलनिय हुने बताइन् ।
कार्यक्रममा राष्ट्रिय सहकारी बैंक महेन्द्रनगर शाखा प्रमुख नविन क्षेत्रीले विगत केही समयदेखि सहकारी क्षेत्रमा समस्याहरु आइरहेकोले संस्थाले विभिन्न वित्तिय नीतिहरु लागू गरी सुरक्षित कर्जा लगानी गर्नु पर्नेमा जोड दिए ।
कार्यक्रममा संस्थामा बचत तथा कर्जा कारोबारमा उत्कृष्ट कार्य गरी आर्थिक कारोबार गर्ने ९ जना आफ्ना सदस्यहरुलाई सम्मानित गरेको छ ।
सम्मानित हुनेमा उत्कृष्ट बचतकर्ता तर्फ गणेश बहादुर बोहरा,भुपेन्द्र प्रसाद भट्ट,हर्क बहादुर भाट, नरेन्द्र प्रसाद पाण्डे्य तथा उत्कृष्ट ऋणिहरुमा विरेन्द्र चौधरी,.राजेन्द्र ऐर,केशब गिरी, विर बहादुर बुढा र .मुकेश कुमार रावल छन् ।
यस्तै गरी बजाप्रतिनिधि तर्फबाट लीला कंडेल धामीलाई सर्वोत्कृष्ट तथा नवराज जोशी र पुजा कुवँरलाई उत्कृष्ट कर्मचारीको रुपमा प्रशंसा पत्र प्रदान गरिएको छ ।
साधारण सभाले आगामी दुई वर्षका लागि सचिव पदमा सिता जोशी कोषाध्यक्षमा हरिदत्त भट्ट र लोकराज ओझालाई सदस्यमा चयन गरेको छ ।
राष्ट्रिय सहकारी बैंक महेन्द्रनगर शाखा प्रुमख क्षेत्री, नेप्mसकुन महेन्द्रनगर शाखा प्रमुख यम बहादुर डांगी तथा सिटिजन लाइफ इन्स्योरेन्स कम्पनी झलारी शाखा प्रमुख नवराज जोशी विशिष्ट अतिथि थिए ।
आगामी दिनमा संस्थाले आप्mनो कार्यक्षेत्र भित्र रहेका ग्रामीण क्षेत्रमा समेत आर्थिक कारोबार वृद्धि गर्दै जाने संस्थाका अध्यक्ष सुरेन्द्र साउदले बताए ।
