महेन्द्रनगर । जऐन जी आन्दोलनका क्रममा कञ्चनपुर कारागारबाट भागेका एक कैदी घरमा मृत भेटिएका छन् । बेलडाँडी गाँउपालिका वडा नं. १ का २७ बर्षिय पदम राज भट्ट घरमा मृत भेटिएका हुन् । लागु औषध मुद्दामा भट्ट दुई वर्षदेखि कारागारमा सजाय काटि रहेका थिए ।
जिल्ला प्रहरी कार्यालय कञ्चनपुरका प्रवक्ता सागर बोहराले शनिबार भट्ट घरमै मृत फेला परेको बताए । ‘कारागारबाट भागेका कैदीबन्दी मध्ये भट्ट घर ओछ्यानमै सुतेको अवस्थामा मृत भेटिएका रहेछन, ‘प्रवक्ता बोहराले भने, ‘घटनाको अनुसन्धान अघि बढाईसकेका छौँ ।’
प्रवक्ता बोहराका अनुसार अदालतले भट्टलाई लागु औषध मुद्दामा ५ बर्ष ६ महिना कैद सजाय तोकिएको थियो । आन्दोलकारी कारागार प्रवेश गरेपछि कारागारका ४ सय ७९ मध्ये अधिकाँश कैदीबन्दी भागेका थिए । भदौ २४ गते साँझ कैदीबन्दीहरु कारागारबाट भागेका थिए ।
