महेन्द्रनगर । भीमदत्त नगरपालिका १७ नम्बर वडा कार्यालयले भोटेकोशी त्रिशूली पीडितलाई सहयोग गर्ने भएको छ ।
वडा कार्यालयले यस वर्ष वडामा तीज कार्यक्रम नगर्ने र तीजका लागि खर्च हुने बजेट बाढी पीडितलाई सहयोग गर्ने निर्णय गरेको छ ।
वडा अध्यक्ष पदम बुडाले प्राकृतिक विपदमा समयमा राहत तथा उद्धार कार्यका लागि वडाबाट ५० हजार सहयोग गरिने बताए ।
वडा कार्यालयले बर्सेनी तीज मनाउन महिलाहरुका लागि बजेट विनियोजन गर्दै आएको छ । यस वर्ष बाढीबाट पीडितहरुको राहतका लागि खर्च गरिने भएको छ ।
वडा कार्यालयले भोटेकोशी त्रिशूली बाढीमा परी मृत्यु भएका सबैमा श्रद्धाञ्जली, घाइतेहरुको स्वास्थ्य लाभको कामना र मृतकका परिवारमा समवेदना व्यक्त गरेको छ ।
वडा अध्यक्ष पदम बुडाको अध्यक्षतामा बैठक बसेर शोक प्रस्ताव र सहयोग गर्ने निर्णय गरिएको छ ।
