महेन्द्रनगर । नेकपा (विप्लव) वैैकल्पिक केन्द्रीय सदस्य एवम दार्चुला बैतडी इन्चार्ज रमेश परियार नेपाली काँग्रेस प्रवेश गरेका छन् । प्रधानमन्त्री एवम् काँग्रेस सभापति शेर बहादुर देउवाले परियारलाई काँग्रेसमा स्वागत गरेका छन् । शिक्षक पृष्ठभूमिबाट राजनीतिमा आएका भीमदत्त नगरपालिका १३ का परियार बौद्धिक नेताका रुपमा परिचित थिए ।
परियारसंगै प्रधानमन्त्री देउवाले जनमुक्ति पार्टीका केन्द्रीय उपाध्यक्ष रविन्द्र सुनार,अखिल नेपाल महिला संघ (क्रान्तिकारी ) कञ्चनपुर जिल्ला अध्यक्ष कल्पना परियार, नेकपा काठमाडौ – कञ्चनपुर सम्पर्क मन्चका अध्य दिपेश नागरी र मञ्चका सचिव राधव परियार लगायतका नेतालाई पार्टीमा स्वागत गरेका छन् ।
कार्यक्रममा प्रधानमन्त्री देउवा सहित कांग्रेसस केन्द्रीय सदस्य रमेश लेखक, मीन विश्वकर्मा , प्रकाश रसाईली लगायतका नेता सहभागी भएका छन् ।
