महेन्द्रनगर । भीमदत्त नगरपालिकाले कार्यपालिका बैठकका एजेण्डा जानकारी नगराए बैठक बसाएपछि वडा अध्यक्ष रविन्द्र देबकोटो बैठक बहिस्कार गरेका छन् । भीमदत्त नगरपालिका १८ का वडा अध्यक्ष देबकोटाले बिहीबार एजेण्डा सम्बन्धी जानकारी नभएर नगरपालिका कार्यपालिकाको छैठौ बैठक बहिस्कार गरेका हुन् ।
‘बैठक छ भनेर मलाई जानकारी आएको थियो, त्यसमा के एजेण्डा छन् भनेर केही उल्लेख गरिएका थिएन, एजेण्डा जानकारी नभएपछि म बैठकमा सहभागी भईन’ उनले भने ।
भीनपा १८ का अध्यक्ष देबकोटाले यस अघि पनि कार्यपालिका बैठक बहिस्कार गरेका थिए । नगरपालिकाले राष्ट्रपति चुरे शैक्षिक कार्यक्रम अन्र्तगत एकलौटी विद्यालय छनौट गरेपछि उनले बैठक बहिस्कार गरेका थिए ।
भीमदत्त नगरपालिकाले बिहीबार विहान ११ बजेदेखि कार्यपालिका बैठक बोलाएको थियो । बैठकमा ठेक्कापट्टाको म्याद सम्बन्धी छलफल गरी निर्णय गरिएको बैठकमा सहभागी सदस्यहरुले बताए ।
भीनपा १८ का अध्यक्ष देबकोटा भने अघिल्लो आर्थिक वर्षमा कटौती योजनाको बजेट माग गर्दै धर्नामा बसेका छन् । उनले पत्थपुर सडक र भगतपुर सडकमा धर्ना बसेका छन् ।
