महेन्द्रनगर । पुनर्वास नगरपालिका–११ मा शुक्रबार बिहान एक युवा मृत फेला परेका छन् । सोही ठाउँका ३५ वर्षीय हरि भनिने मान बहादुर कार्की नालामा मृत फेला परेका छन् ।
इलाका प्रहरी कार्यालय त्रिभुवनबस्तीका सई मोहन बहादुर सिंहले अघिल्लो राति करिब साढे ६ बजेतिर उनी घरबाट निस्किएको र परिवारले साथीकोमा गएको ठानेर खोजी नगरेको बताए ।
आज बिहान करिब साढे ८ बजे कार्कीको शव नालामा फेला परेको थियो। टाउकोमा कोतरिएको घाउ छ। शव पोष्टमार्टमका लागि धनगढीस्थित सेती अस्पतालमा पठाइएको छ।
पोष्टमार्टमपछि मृत्युको कारण थाहाँ हुने प्रहरीले जनाएको छ ।
