दोधारा । दोधारा चाँदनी नगरपालिका २ मा स्यालको टोकाईबाट ८ जना घाईते भएका छन् । शनिबार दिउँसो घर नजिक घाँस काटि रहेका उनीहरुलाई स्यालले टोकेको हो ।
स्यालको टोकाइबाट सरिता पुजारा, सिता पुजारा, माधवी धामी, प्रेम सिंह धामी, कलावती जोशी, बेलमती जोशी, कल्पना जोशी र सुनिता भाट घाईते भएको दोधारा चाँदनी– २ का वडाध्यक्ष पदम रावलले बताए ।
स्यालले टोकेपछि दोधारा प्राथमिक स्वास्थ्य केन्द्रमा भर्ना गरिएका उनीहरुमध्ये सता पुजारा, सरिता पुजारा र बेलमती जोशी बाहिर रिफर गरिएका छन् । स्थानीय र प्रहरीले स्याललाई मारि दिएका छन् ।
