महेन्द्रनगर । जनज्योति बहुमुखी क्याम्पसमा बीसीए पहिलो सेमेस्टरका विद्यार्थीहरुका लागि अभिमुखीकरण कार्यक्रम गरिएको छ । क्याम्पस सञ्चालक समितिका सदस्य तथा निङ्गलाशैनी माध्यमिक विद्यालयका प्रधानाध्यापक भवानी प्रसाद पन्तको प्रमुख आतिथ्यमा कार्यक्रम गरिएको छ । कार्यक्रमको अध्यक्षता क्याम्पस प्रमुख प्रकाश दत्त जोशीले गरेका छन् ।
कार्यक्रममा विद्यार्थीहरुलाई सूचना प्रविधि र साइबर क्राइम सम्बन्धि पहिलो सत्रमा जानकारी दिइएको छ । पहिलो सत्रमा सुदूरपश्चिमाञ्चल विश्वविद्यालय विज्ञान तथा प्रविधि संकाय अन्र्तगत कम्युटर विज्ञान तथा सूचना प्रविधि विभागका प्रमुख रमेश प्रसाद भट्टले सूचना प्रविधिको परिचय, महत्व, अवसर, बजा लगायत विषयमा जानकारी दिए ।
यसैगरी अधिवक्ता पुर्णिामा भट्टले साइबर क्राइम, यसका कानुनी प्रावधान सहित विविध बिषयमा जानकारी गराइन् ।
कार्यक्रमका प्रमुख अतिथि सञ्चालक समिति सदस्य पन्तले क्याम्पसलाई सूचना प्रविधिको हब बनाइने योजना भएको उल्लेख गर्दै यसका लागि सबै क्षेत्रको सहयोगको आश गरिएको बताए ।
‘यो क्याम्पस सुदूरपश्चिम क्षेत्रमा अब्बल शैक्षिक क्षेत्रको रूपमा परिचित छ। यसलाई आइटीको हबको रुपमा विकास गर्ने योजना बनाएका छौ’ उनले भने ।
क्याम्पस प्रमुख जोशीले सैद्धान्तिक र व्यवहारिक दुबै ज्ञानमा दक्ष बनाउने लक्ष्य राखिएको उल्लेख गर्दै उनले सिकाई प्रभावकारी बनाउन विद्यार्थीको भूमिका पनि महत्वपूर्ण हुने बताए ।
‘किताबको ज्ञान सहित कम्प्युटरमा विद्यार्थीहरुलाई दक्ष हुनु आवश्यक रहेको छ, त्यसका लागि अनुशासित वातावरण सृजना गदै क्याम्पसमा सिकाई प्रभावकारी बनाउन विद्यार्थीको पनि महत्वपूर्ण भूमिका हुने भएकोले सहयोग गर्न आग्रह गर्छु’ उनले भने ।
सहायक क्याम्पस प्रमुख अर्जुन नाथले सञ्चालन गरेको कार्यक्रममा बाबुराम रावतले स्वागत मन्तव्य राखे । कार्यक्रममा सुरेन्द्रराज जोशीले बीसीए व्यवस्थापन सञ्चालन सम्बन्धि धारणा रोख ।
