महेन्द्रनगर । भीमदत्त नगरपालिका वडा न.ं १२ मा निःशुल्क आँखा जाँच शिविर आयोजना गरिएको छ । नेपाल नेत्र ज्योति संघ, गेटा आँखा अस्पताल र महेन्द्रनगर आँखा अस्पताल र वडा कार्यालयको संयुक्त आयोजना शिविर गरिएको छ ।
शिविरमा ३ सय ८२ जनाको निःशुल्क आँखा जाँच गरिएकोमा ३८ जना मोतिबिन्दु तथा ३ जना मासुबढेको गरी जम्मा ४१ जनालाई महेन्द्रनगर आँखा अस्पतालमा शल्यक्रियाका लागि रिफर गरिएको छ ।
अन्यलाई निःशुल्क औषधि तथा चश्मा वितरण गरिएको महेन्द्रनगर आँखा अस्पतालका नेत्र अधिकृत बीर सिह धामीले बताए ।
