महेन्द्रनगर । महाकाली प्रादेशिक अस्पालमा केही दिनदेखि ज्वरोका विरामी बढेका छन् । मनसुन सकिएपछि एकाएक गर्मी बढेसंगै अस्पतालमा ज्वरोका विरामी बढेका हुन् ।
महाकाली प्रादेशिक अस्पतालका मेडिकल सुपरिटेन्डेन्ट डा. अर्जुन भट्टका अनुसार अस्पतालमा दैनिक ६÷७ जना भाइरल ज्वरोका विरामी आउने गरेका छन् ।
‘केही दिनदेखि ज्वरोका विरामी बढेका छन्, यी सबैमा भाइरल ज्वरो देखिएको छ’ उनले भने,‘गर्मी बढेपछि विरामी बढेका छन् ।’
अस्पतालका सुपरिटेन्डेन्ट भट्टले एकाएक बढेको गर्मीले ज्वरोका विरामी बढेको बताए ।
भाइरल ज्वरोसंगै डेंगुका विरामी पनि आउने क्रम दैनिक रुपमा बढेको मेडिकल सुपरिटेन्डेन्ट भट्टले बताए । ‘डेंगु पनि ज्वरो नै हो, यसका पनि विरामी दैनिक रुपमा आउने गरेका छन्, भाइरल ज्वरो र डेंगु दुबैका विरामी अहिले दैनिक रुपमा बढि रहेका छन् ।’
अस्पतालले डेंगु नियन्त्रणका लागि निजी अस्पतालसित सहकार्य गरी डेंगु नियन्त्रणको पहल गरेको छ । डेंगु नियन्त्रणका लागि पानी जमेका खाल्डाखुल्डी सफा गर्ने, औषधि छर्किने लगायतका कार्यक्रम गरिने डा. भट्टले बताए ।
