महेन्द्रनगर । भीमदत्त नगरपालिका वडा नं. १३ मा गौरा पर्वको अवसर पारी शुभकामना तथा देउडा कार्यक्रम गरिएको छ । वडा कार्यालयले धार्मिक तथा साँस्कृतिक सद्भावका लागि गरिएको कार्यक्रममा जनप्रतिनिधि, स्थानीय, कलाकार लगायतका सहभागी भएका छन् ।
वडा अध्यक्ष राम बहादुर बोहरा (झक्कास) ले एक आफसमा सद्भाव र मित्रतालाई झनै प्रगाढ बनाउनका लागि समेत देउडा खेलले महत्वपुर्ण भूमिका खेल्ने विगतका वर्षहरुमा समेत वडाध्यक्ष बोहराले धार्मिक तथा सांस्कृतिक कार्यक्रमलाई प्राथमिकतामा राख्दै कार्यक्रम गर्दै आएका छन् । वडाध्यक्ष बोहरा आफैमा धार्मीक मान्छे हुन् । उनी आफुलाई भगवान राम भक्त भएको बताउछन् ।
धर्म संस्कृतिको रक्षार्थ वडामा आफुले गौरा कार्यक्रम भव्य गराउँदै आएको उनी बताउछन् । धर्म संस्कृतिको रक्षा गर्न सकेमात्रै समाजमा आपसी सद्भाव कामय रहेको वडाध्यक्ष बोहराको तर्क छ ।
भीमदत्त–१३ को सिद्धनाथ माद्यमिक विद्यालयको प्रांगणमा उक्त शुभकामना तथा देउडा कार्यक्रम सम्पन्न भएको हो । कार्यक्रममा देउडाका लागि मुख्य आकर्षणको रुपमा गायक लक्ष्मण अधिकारी र देउडा गायिका संगिता शाह रहेका थिए ।
