महेन्द्रनगर । दोधारा चाँदनी नगरपालिकामा बालिकामाथि सामूहिक बलत्कार आरोपमा तीन जना पक्राउ परेका छन् । इलाका प्रहरी कार्यालय दोधारा चाँदनीले १६ वर्षिया बालिकालाई बलात्कार गरेको आरोपमा उनीहरुलाई पक्राउ गरेको छ ।
प्रहरीले पक्राउ गरेका सबै वडा नं. ६ का छन् । दोधारा चाँदनी ६ की ती बालिका भदौ १५ गते गौरा हेर्न गएको बेलामा ललाईफकाई उखुबारीमा लगेर बलात्कार गरिएको जाहेरी परेपछि उनीहरुलाई पक्राउ गरिएको छ ।
पीडित बालिकामाथि भदौ १९ गते पनि आफूमाथि मायापुरी सामुदायिक वनमा पनि लगेर बलात्कार गरिएको जाहेरीमा उल्लेख गरिएको छ ।
जिल्ला प्रहरी कार्यालयले पक्राृ परेका तिनै जनालाई हिरासतमा राखिएको जानकारी दिएको छ ।
