महेन्द्रनगर । शान्तिका लागि साझा अभियान कोक्यापको मुख्य आयोजना र स्वीट नेपाल,नारी उत्थान केन्द्र, कञ्चनपुर मित्र संघ बैतडी,ग्रामिण सुधार मञ्च डडेल्धुरा,आरडिएन,सिएसएसडि र हुराडस कैलालीको सयुक्त सह आयोजनामा सुदूरपश्चिम प्रदेशको आयोजनामा समाजिक सुरक्षा तथा व्यवस्थापन अन्र्तगत प्रशिक्षण कार्यक्रम महेन्द्रनगरमा सम्पन्न भएको छ ।
कोक्यापका सुदुरपश्चिम प्रदेश अध्यक्ष अमिर तिरुवाको अध्यक्षता र वेदकोट नगरपालिका नगर उप प्रमुख तुलसी जोशीको प्रमुख आतिथ्यमा सम्पन्न भएको छ । कार्यक्रममा स्वागत मन्तब्य आरडिएनका महासचिव मोहन ओडले गरेका थिए भने कार्यक्रमको संचालन ग्रामिण सुधार मञ्चका सदस्य सोनी भण्डारीले गरेकी थिईन ।
वेदकोट नगरपालिका मा रहेका १० वटै वडाका वडाअध्यक्ष र कार्यपालिका सदस्यहरु र नागरिक संघसंस्थाका प्रतिनिधिहरुको सहभागिता रहेको थियो ।
कार्यक्रमको प्रशिक्षण वेदकोट नगरपालिका आईटि अफिसर शुनिल चन्दले गरेका थिए कार्यक्रममा समाजिक सुरक्षाका बिषयमा समाजिक सुरक्षा भत्ता लगायत कानुनी ब्यवस्था तथा वडामा भोग्दै आईरहेका समस्यका बारेमा समेत दोहोरो छलफल गरे । यसैगरी कार्यक्रम र त्यसको समाधानका लागि समेत योजनामा छलफल भएको छ । कार्यक्रममा ४५ जना सहभागी कार्यक्रममा कोक्याप काठमाडौका प्रभात भट्ट सहभागी भएका छन् ।
कोक्यापले वेदकोट नगरपालिका वडा न ३ मा समाजिक सुरक्षा भत्ता सम्बन्धि एकदिन अभिमुखीकरण कार्यक्रम गरेको छ । बेदकोट नगरपालिका वडा न १ देखि ५ सम्मका सरोकारवाला निकायका ३० जना सहभागी भएका छन् ।
यसैगरी वेदकोट नगरपालिकाको वडा न ६ मा समाजिक सुरक्षा अन्र्तगत बाल पोषण तथा भत्ता सम्बन्धि सचेतनामुलक कार्यक्रम ३५ जनाको सहभागितामा सम्पन्न भएको थियो । सो कार्यक्रमलाई वेदकोट नगरपालिका स्वास्थ्य शाखा प्रमुख सिद्धराज भट्ट र समाजिक सुरक्षा शाखामा महेष बिष्टले प्रशिक्षण दिए ।
कार्यक्रममा कोक्यापका प्रदेश अध्यक्ष अमिर तिरुवाको सहभागिता र वडा अध्यक्षहरुको अध्यक्षतमा र वेदकोट नगरपालिकाको उपप्रमुख तुलसी जोशीको प्रमुख आतिथ्यमा सम्पन्न भएको कुरा कोक्यापका प्रदेश फोकल पर्सन गोपाल जोशीले बताए ।
