शुक्लाफाँटामा मच्चियो लफडा, विषयगत समितिका संयोजकहरुले दिए सामूहिक राजीनामा

lotus institute

महेन्द्रनगर । शुक्लाफाँटा नगरपालिकाको पाँच वटा बिषयगत समितिका संयोजकहरुले पदबाट संयुक्त रुपमा राजिनामा दिएका छन् । सहभागितामूलक कार्यसञ्चालन, पारदर्शिता र सुशासन कायम हुन नसकेको जनाउदै संयोजकहरुले राजिनमा दिएका हुन् ।

राजीनामा दिनेहरुमा सामाजिक विकास समिति संयोजक रमेश बहादुर ऐर, पूर्वाधार विकास समिति संयोजक बहादुर सिंह महरा, विधायन समिति संयोजक नवल सिंह राना, संस्थागत विकास तथा सु शासन समितिका संयोजक उत्तरदेव भट्ट र उर्जा विकास समिति संयोजक दान सिंह ऐर छन् ।

morning glory

पाँचै जना संयोजकहरुले नगरपालिकाको १४८ औं नगर कार्यपालिका बैठकमा नगर प्रमुख रण बहादुर महरालाई राजिनामा पत्र बुझाएका हुन । राजिनामा भने स्विकृत भएको छैन ।

कार्यपालिकाका २२ जना मध्ये १३ जना सदस्यहरुले सुशासन कायम हुनु पर्ने भन्दै नगर प्रमुख, उप प्रमुख र प्रमुख प्रशासकिय अधिकृतलाई २८ बुँदे ध्यानाकर्शण पत्र बुझाका थिए । ध्यानाकर्शण पत्र माथि सुनवाई नभएपछि बाध्य भएर राजिनामा दिनु परेको संयोजकहरुले बताए ।

सामाजिक विकास समितिका संयोजक रमेश बहादुर ऐरले नगरपालिकामा दरबन्दी अनुसारको प्रमुख प्रशासकिय अधिकृतको पदपूर्तिका लागि कार्यपालिकाबाट निर्णय गरी संघीय मामिला तथा सामान्य प्रशासन मन्त्रालयमा लेखि पठाउन माग गरिए पनि सुनवाई नभएको बताए ।

Mahendranagar

“वैधानिक प्रावधान अनुसार निर्णयनै नगरी कार्यपालिका सदस्यहरुलाई गुमराहमा राखेर नगर प्रमुख र प्रमुख प्रशासकिय अधिकृतले निर्णय प्रमाणिकरण गरको भनी हुने गरको जालझेल बन्द हुनु पछर्“ उहाँले भन्नु भयो, “त्यसकै लागि राजिनामा दिएका छौं, नयाँ कार्यपालिका गठन भएपछि नगरपालिका कार्यालयबाट आर्थिक वर्ष २०७८÷०७९ र आर्थिक वर्ष २०९÷०८० मा भएको सम्पूर्ण खरिद कार्य विकास निर्माण कोटेसन समेतको विवरण सार्वजनिक हुनु पर्ने, सवारी साधन मर्मत र इन्धन खर्चको विवरण सार्वजनिक गरिनु पर्छ ।”

आर्थिक वर्ष २०७८÷०७९ र आर्थिक वर्ष २०९÷०८० मा भएको दैनिक भ्रमण भत्ता, अवलोकन भत्ता खर्चको विवरण, राष्ट्रपती रनिङ्गशिल्ड प्रतियोगिताको खर्चको विवरण सार्वजनिक गरिनु पर्ने, करार कर्मचारीको म्याद थप सम्बन्धमा अध्ययन र सुझाव दिन गठित कार्यदलको प्रतिवेदन कार्यान्वयन गरिनु पर्ने माग अघि सारेपनि सुनवाई नहुदा पदबाट राजिनामा दिईएको उर्जा समितिका संयोजक दान सिंह ऐरले जानकारी दिएका छन् ।

उनका अनुसार बेलौरी कलुवापुर सडकखण्डमा खाल्डो खनेर छाडनुको कारण, पानीको निकास खुलाउन नसक्नु, नगर प्रवक्ताको पदमा रहेका व्यक्तिले निर्णय सार्वजनिक गर्न नसक्नुका साथै पारदर्शिता कायम गर्न नसकेकाले पदमुक्त गर्नु पर्ने, एशियाली विकास बैंकको सहयोगमा सञ्चालित शहरी विकास परियोजनाका कामकारवाहीमा गुणस्तर सुनिश्चित गर्न ध्यानाकृष्ट गरिए पनि कार्य अगाडि बढ्न सकेको छैन ।

अव्यवस्थीत बसोवासी, भूमिहीन, सुकुम्बासीको जग्गा नापजाँच कार्यलाई तिव्रताका साथ अगाडी बढाईनु पर्ने, महालेखापरीक्षकको प्रतिवेदनमा देखिएको बेरुजु फस्र्यौट गर्ने संयन्त्र खडा गरी बेरुजु घटाउनु पर्ने, विकास निर्माण कार्यको लागत स्टीमेट बनाउदा कोटेसनमा निर्माण व्यवसायी संग मिलोमतो गरी बढी लागत देखाउने र काम कम हुने गरेको गुनासो प्रति छानविन हुनु पर्ने उहाँको भनाई रहेको छ ।

“नगरपालिका भित्रका शाखा प्रमुख, वडा सचिव, कर्मचारी आन्तरिक सरुवा र जिम्मेवारी हेरफेर गरिनु पर्ने, पत्रपत्रिका र विज्ञापन शिर्षकमा भएको बजेटको खर्च सार्वजनिक हुनु पर्ने, नगर क्षेत्रमा जडान भएका स्वचालित सडक बत्ति गुणस्तरीय नहुनु र नियमित नबल्नुको र सडक बत्तिको विद्युत महशुलको प्रकृया बारे जानकारी दिनु पर्ने माग कार्यपालिका बैठकमै राखेका हौ” उनले भने, “नगरपालिकाको स्वामित्वमा रहेको हेभी इक्युपमेन्ट प्रयोग नभै लामो समय देखि थन्किनुको कारण खोल्नु पर्ने, सामुदायिक पशु चौपायाको दीगो व्यवस्थापन हुनु पर्ने, आर्थिक वर्ष २०७८÷०७९ र आर्थिक वर्ष २०९÷०८० मा भएको विस्तृत परियोजना प्रतिवेदन(डिपिआर) बनाउदा लागेको खर्च सार्वजनिक गरिनु पर्ने माग राख्दा पनि बेवास्ता गरियो ।”

नगरपालिकाबाट आर्थिक वर्ष २०७८÷०७९ र आर्थिक वर्ष २०९÷०८० मा खाना, खाजा, चिया र पानीमा खर्च सम्बन्धी सम्पूर्ण विवरण सार्वजनिक गरिनु पर्ने माग राखिएको उनले जानकारी दिए ।

“कार्यपालिकाको १४८ औं बैठकमा आठ जना अध्यक्षको असहमती सहित अनुपस्थीत रहदा कार्यपालिकामा विषय प्रवेश तथा कार्यपालिका सदस्यहरुको निर्णय प्रक्रियामा सहभागीता विना उपस्थीतिको कोरमको आधारमा निर्णय लेखिएकाले त्यस प्रति असहमती रहेकाले ती निर्णयलाई कार्यान्वयन नगर्न भनेका छा” उनले भने ।

saark school
सम्बन्धित
Loading...