Sarsoti

बेदकोटमा ८ नम्बर वडाका ७० जनालाई जग्गाधनी पूर्जा वितरण

lotus institute

महेन्द्रनगर । बेदकोट नगरपालिका वडा नं. ८ मा ७० जनालाई जग्गाधनी पूर्जा वितरण गरिएको छ । बेदकोट नगरपालिका र राष्ट्रिय भूमि आयोग कञ्चनपुरले मंगलबार पूर्जा वितरण गरेको छ । पूर्जा पाउने सबै विगतको अधुरो काम अन्र्तगत बाँडिएका पूर्जा हुन् । यस अघि कृष्णपुरमा अधुरो कामको पूर्जा बाँडिएको थियो ।

वडा अध्यक्ष महेशराज जोशीले विगतका आयोगले अव्यवस्थित बसोवासीको हकमा गरेको अधुरो काम पूरा गरी जग्गाधनी पूर्जा बाँडिएको बताए ।

morning glory
Mahendranagar

‘अहिलेको आयोगले अघिल्ला आयोगको कामको स्वामित्व ग्रहण गर्दै पुर्जा वितरण गरेको छ, अहिले यो सुरुवात हो,’ उनले भने, ‘हामीले लालपुर्जा वितरण कार्य निरन्तर अघि बढाउँछौँ ।’

बेदकोट ८ मा २ सय १३ जनाले फर्म दर्ता गरेकोमा ७० जनालाई पूर्जा वितरण गरिएको हो । अन्यलाई पनि पूर्जा बाँड्ने गरी तयारी गरिएको वडा अध्यक्ष जोशी बताउँछन् ।

कार्यक्रममा सुदूरपश्चिम प्रदेश सभा सदस्यद्वय प्रकाश रावल, बहादुर सिह थापा सहित बेदकोट नगरपालिकाका मेयर भोजराज बोहरा, उप मेयर तुलसी जोशी, राष्ट्रिय भूमि आयोग कञ्चनपुरका अध्यक्ष देवेन्द्र ढुंगाना लगायतले मन्तव्य राखे ।

saark school
सम्बन्धित
Loading...