महेन्द्रनगर । राष्ट्रिय निजी तथा आवाशीय विद्यालय एसोसिएसन नेपाल (एन प्याब्सन) कञ्चनपुरले एन प्याब्सन खेल महोत्सव माघ पहिलो सातादेखि हुने भएको छ । एन प्याब्सन कञ्चनपुरका सचिव बलदेब भट्टका अनुसार माघ ३ गतेदेखि महोत्सव आयोजना गर्ने तयारी थालिएको छ ।
सचिव भट्टलाई खेल महोत्सव संयोजकको जिम्मेजारी दिइएको छ । महोत्सवमा फिल्ड, ट्रयाक र इनडोर खेलहरु हुने संयोजक भट्टले जानकारी दिएका छन् ।
विद्यार्थीहरुको खेल प्रतिभा उजागार गर्न, विद्यालयहरुबीच आपशी सम्बन्ध बलियो बनाउन एन प्याब्सनले विगतदेखि महोत्सव आयोजना गर्दै आएको छ । महोत्सवमा सहभागिताका लागि सबै सदस्य विद्यालयलाई पत्राचार गरिएको छ ।
