महेन्द्रनगर । भीमदत्त नगरपालिका–४ स्थित सहारा होटलबाट जुवातास खेलिरहेको अबस्थामा पाँच जना पक्राउ परेका छन् । पक्राउ पर्नेमा होटल सञ्चालक सहितका छन् ।
बैतडीको दशरथचन्द नगरपालिका–११ स्थायी घर भएका सोही होटल संचालक ३७ वर्षीय गणेशसिह बुडाल सहित पाँच जना मंगलवार पक्राउ परेका हुन् ।
जिल्ला प्रहरी कार्यालय कञ्चनपुरबाट खटिएको प्रहरी टोलीले उक्त होटेलमा चेकजाँच गर्दा जुवातास खेलिरहेको अबस्थामा उनीहरुलाई पक्राउ गरेको जनाएको छ ।
उनिहरुलाई नगद ४८ हजार २ सय ६० र १ गड्डी ताससहित पक्राउ गरेको प्रहरीले जनाएको छ। यस सम्बन्धमा प्रहरीले आवश्यक अनुसन्धान गरिरहेको बताएको छ ।
